我的故事 (三)

錄音機正在播放黄綺嘉唱的歌，‧‧難原諒她...

冲了杯香茶,便坐下來繼續寫那剛開始的故事ｏ

第二章 - 警校生涯 -（ 感謝上天 ）

剛到達警校時,各豬仔豬女都忙於跟隨阿Sir呢度去攞裝備,嗰度去宿舍分床位ｏ然後又集合到班房講一輪規舉便飯堂吃午餐ｏ

飯堂內,同房的學警同一枱直至畢業ｏ這時大家都穿上了校服隨教官參觀, no,no,不能說參觀,應該說週圍行認地方ｏ

因為人多所以需分批見法官,即是飛髮師傅呀ｏ因為佢地扮曬野,那口那面,又為了講笑所以叫他們做法官ｏ

唉,入去前同出來後簡直係判若兩人，之前個個型男,之後個個蠅男ｏ那些法官你越叫佢手下留情佢就越得戚ｏ中國人就有依道吳好,鐘意弄權ｏ我都懶理佢,鏟就鏟啦,超,反正無需為悅己者容,失戀,原來對我都有好處ｏ

我經常都覺得上天在看顧我ｏ在多年社會工作,祂往往在重要關頭幫我一把,而小事則讓我撞板痛吓增加我經歷ｏ

警校的生活是很艱苦的,因為由海濶天空的生活突然進入紀律生活,特別在那時代及一個如我這般斯文的小子ｏ上天安排我在十一月入校,避了夏天的暴曬,以及拯溺訓練ｏ大佬/姐你地知否要由警校跑步往返深水灣架ｏ

另一樣好彩是取消了一種叫紅毛拾（步槍的一種）的步操ｏ那傢伙拾幾磅重,以我當時110磅的體格,簡直攞命ｏ

更好彩的是我班的正副教官都基本上幾好人ｏ那時Ｄ教官特別是副教官（沙展級）真是打x吳使本ｏ

當時最出名的兩名沙展，一個叫鷹王（因為佢前胸紋身一隻展翅的鷹）另一個叫東洋刀（因為佢似日本軍喎）ｏ 吳使我講你地都估到他們最喜歡做セ啦ｏ東洋刀可能太過份了,有一晚在街俾人用被冚住讓他也一嚐那種滋味,當時真個大快人心ｏ

我地沙展同我地話-細佬,算你地好彩,本來你班友仔是鷹王嗰班，後尾編咗俾我ｏ

講吓兩位教官先,正教官是一名督察，是由警員上位,姓黎,原先是水警,所以人也純啲ｏ後來我做AOII在顯田苗圃開放日見到佢,不過佢扁幫一名學員,令我和另一學員無法問鼎'銀雞頭' -  即第一名ｏ

沙展姓セ暫時記吳起,佢警號是5xx7, 才二十七歲,是當時全個警察部（以前卿叫警隊做警察部 ）最年輕概沙展,所以好多人吳順佢,想佢衰ｏ有的沙展教官都吳抵得佢ｏ好在我地班友仔好爭氣,冇令佢衰俾人睇ｏ如果冇記錯,重羸咗一次步操,令佢好開心,因為步操主要是佢教ｏ

因為上述所講的,所以我的學堂日子算是,唉,吳錯架啦ｏ有冇俾阿Sir打過? 梗係有啦,細路仔吳跌下點會長大吖ｏ

事情發生在入學堂後第二天早上ｏ

啱啱夠鐘,下回再講ｏ

我的故事 - 續

網誌分類：未分類網誌日期：2010-05-06 18:58

23/10/2006

今早出外做早操，對面的 Rudolf 剛好出門上班,他是愛爾蘭人ｏ

上到大門見到阿 Herman 也要上班去,他是菲律賓人ｏ

出到門外,隔隣的阿伯正要去丟垃圾,他是西班牙人ｏ

在他後面的是從哥倫比亞來的 Sophie 和她的小孩ｏ

樓上窗口阿 Burnie 叫我 say 早晨,他是英國來的ｏ

剛答了話便見到對面座的阿巫出來執跌落來的蘋果,她是來自烏拉圭ｏ

前面阿Dion正開着部cushman到我們這停車塲清潔，他是黑人ｏ

而阿Japmon就啱啱跳上佢部跑車,他是牙買加人ｏ

Oh my God, 呢度好似聯合國,好在未有中東人,同埋有幾個香港人ｏ

咪就喺我一家囉 !

差啲吳記得去阿 Sam 間小鋪買彩票,佢喺印度人ｏ

繼續講虛構的故事 -

第二章 -  警校生涯 - ( 余謹以致誠發誓....)

警校每天早上都有會操,將結業的學警在最前,後列的是跟着一期結業的學警,約相隔三個月,每期有數班結業ｏ而新豬要約三個月步操訓練後才參加早上 parade ｏ

在第二天早上，各新豬被安排看  parade , 我們排成單行由沙展帶到半山看, 帶頭的師兄誤解了沙展的指示,行錯位,行過了應停下的座位ｏ沙展即時喝停我們, ' abcd,你班 xx ,邊 x 個叫你去個度 ! 跟住聽到拍拍聲,都未知セ事就一巴摑了眾人面上ｏ

就是咁把我帶入了現實既揾食世界ｏ

講時講，呢一巴打得好,他打醒了我,把我帶回現實,不再婆媽於失戀心態ｏ

那早操很有氣勢,大家心中都憧景到自己落場早操的那一刻ｏ

整個早上都是在班房上課或領取物品ｏ

在班房內,教官每人派一張紙,然後話 - 吳準抬頭望,寫低呢間房有幾多把風扇,幾多張枱,幾多個電製....ｏ

啱啱先俾沙展醒咗一巴,邊個重會抬頭望吖 ｏ

結果多數祗答到有風扇四把,其它答吳到ｏ

教官話你地要學習觀察能力,案發現塲要即時留意，否則可能會疏忽好多證據或線索;甚至乎可能救自己一命ｏ 又幾有道理噃ｏ

唉,你叫我當時即刻描寫我前女友我就可以無需思考話你知佢五呎五吋高,一百Ｏ三磅重,瓜子臉龎,眉清目秀,長髮披肩,柔情似水,靚過繆騫人 !

太太差啲一巴醒過嚟,都是返嚟講故把啦ｏ

下午飯後,大家都編了警號,我的號碼是 12xx3,也穿了校服ｏ

眾人被安排到禮堂/gymn.宣誓ｏ

信教的需要手按聖經,但揾放大鏡都揾吳到一件,其他/她的就一人一紙誓書,跟着食生菜  - ' 余謹以致誠發誓, 宣誓效忠英女皇陛下 .....' 

就喺咁懵吓懵吓便正式成為一名皇家香港警察警員ｏ 

我屬於 P 班, 吳喺詩班ｏ

每層宿舍住一班,而我就住在三間房之中,咪即喺中間房囉,所有清潔由每間房輪流做ｏ

當時最急於要完成既エ作, 吳係練神打嚟頂住阿sir打 ,而係服侍啲皮具 - 二對鞋同皮帶ｏ全部要 '立立令 ' , 冇講大話,真喺要'令'到照到棚牙ｏ

再次多謝上天,我居然擦掂,應該話磨掂,因為鞋油是一次乾完再上一次油然後用布沾水磨滑;要耐性同技考ｏ 唉,偏偏我兩樣都冇,好在同房師兄弟教我幫我ｏ

若然鞋磨得吳靚,早上列隊檢查時沙展一句 abcd 然後用佢隻鞋在你鞋頭上壓住轉兩下,咁就喊都無謂,幾晚功夫就即時報消ｏ 天地良心,我哋若然有選擇,情願俾佢打一身好過,有時見到有此遭遇啲師兄直頭淚盈於眼ｏ

每晚磨鞋及皮帶是必然概公事,直到晚上十時熄燈若仍未掂就唯有摸黑做ｏ啲師兄就會講警校啲鬼故嚟嚇人ｏ都是後生仔吖嗎,頑皮少不免了ｏ

其中有二,三個故事我重記得........

06/11/2006