我的故事 (六)

最近我居然看聖經 !

有種平和的感覺,

也找到一些多年的問題上的答案。

我由頭睇起,

而家睇到出埃及記。

第日吳知會唔會做傳道人就未知,

先做返講古佬把啦 !

第二章 - 警校生涯  ( 花絮 ,  軼事 ,  繆騫人  )

吳想花太多篇幅在 ' 警校生涯 ' , 所以此篇是尾二的一篇。其實結尾篇已寫好。

飯堂事件 -

- 以前講過啦 , 同房十人同枱食飯。個個後生仔 , 特別擦得 , 飯堂內的白飯任裝 , 但餸菜永遠吳夠 , 食完第二碗飯 ; 第三碗要食就食白飯。所以經常爭餸。

有一次我張枱二個師兄爭到鬧交。結果全枱被罰食飯後到沙展房外面 ( 望 ) 向太陽企半小時 , 企一個星期 ! 如果在今日 , 東方蘋果肯定爆料 !

最氣憤的是那些飯堂的伙記就餐餐大鱼大肉  !

- 早餐啲皮旦廋肉粥一隻隻皮旦切都懶切 , 啲粥咸味但配甜的蛋糕 , !!! 豬仔在警校的地位直頭喺 , 唉 , 連 canteen 賣野嘅伙記都俾面色我地睇 !

投訴 ? 嗰陣邊卿呢套吖 , 睇落去啦  , 細佬/妹 !

流行口號 -

-  No complaint , no explain , 阿 sir x 你咪出聲 !

-  Rule No. 1 , Sir can never be wrong ! 如果阿sir 真喺錯咗就去 Rule No. 2 .

-  Rule No. 2 : 返去 Rule No. 1 !!! 哈。

靶場花絮 -

-  靶場是全警校最嚴肅嘅地方 , 至少會有二位沙展在負責。警校也有好多似個人嘅教官嘅 , 嗰個靶場沙展姓潘是其中一個 , 好慈祥而工作認真 , 總算有個似人的教宫官面孔 , 到而家我都記得佢個慈祥臉孔 。

-  有一次在靶場 , 有個沙展見到隻大野雀 , 好似隻雉雞;佢舉起枝手槍 , 砰一聲打中咗 , 真好眼界。跟住講 : 細佬 , 吳x准講亞吓 ! 其實佢好大鑊 , 如爆出去 , 一定至少 ' 揻柴 '  (降級)。

  

-  在練左輪射擊時若槍出現問題 , 例如 ; 子彈 jam住槍管入口 , 豬仔需立即回復立正位置 , 槍向紙靶 , 手臂貼身, 成一90度角 , 然後舉另一手, 阿 sir 會埋來。因為實彈射擊是好危險概。

-  有一次 , 我隔離位師兄 , 應該叫佢做豬兄 , 佢支槍 jam 咗 , 於是跟足 procedure 由射擊姿勢回復立正 , 手臂貼身成90度直角槍嘴對正紙靶 , 咁啱有個沙展喺佢後側 , 佢就舉高冇槍隻手叫 Sir ! 但做多咗一個動作 , 就喺轉身向住阿 sir。大鑊 ! 枝槍嘅咀啱啱指住阿sir 個肚池。阿sir以千份一秒時速兜x醒過去面上 ' abcd !!!'

當時我重在射擊姿勢,阿sir嗰x動作將呢個豬兄個人z到轉彎向我,呢勻枝槍指住我腰 ! 媽呀,槍重有子彈呀 !

阿sir 即喺阿sir, 即喝 '83 咪郁 ! ' 我即時僵住狀態,停止射擊。 阿  sir 亦馬上拎走佢枝鎗。 真嚇死人呀 !

-  有一次射靶完,當 check 紙靶時我中了三粒,隔離紙靶中了八粒,一枝左輪有六粒子彈,嘻,你地自已計數啦;嘻。

巴士卷 - 

在七Ｏ年代初期,好多時坐巴士都吳駛俾錢,講聲 ' 伙記 ' 便O.K. 警察部可能想革除這陋習,便從學警開始,每星期派巴士卷給學警坐巴士。而家應該冇了。

' 儍仔,你有事時邊個俾機會你 ! '

- 有一位師兄在我哋開學後十多日後入。唉,佢真慘,但吳關佢事,喺佢父母累佢捱此一役。何解 ? 要再嘆一聲,唉 ( 音 - 鞋 )。因佢嗰樣生同黑黑灰灰咁面,連講話都似一種人,一種差人最憎嘅其中一種人,就喺，道友 ! 即吸毒者呀 !

唉,慘了。沙展當時認定佢係吸毒既,問佢食吳食煙 ? 阿慘師兄答食。阿 sir 即時攞佢包煙撕開曬揾白粉。但揾吳到。同佢講 : ' abcd,你喺咪 'pairh' ( 廣東話 - 即吸毒 )架 ! 慘師兄答 : 吳喺呀,sir。 ' 'abcd, 你喺pairh嘅就自動打紙告辭 ( 即辭職 ) ! 否則我xx到你NL ! '

'我真喺冇呀,呀 sir.'

跟住又查佢衣櫃,牀,鞋,但冇毒品揾到。

以後初期的一段日子真是'花街'。佢入遲十幾日學堂,步操梗喺夾吳到我地啦,阿sir一見佢操得吳好,就埋去 '  abcd ',一x就x佢心口 ! 總之那幾天阿慘師兄逢步操堂都享受 ! 吳喺心口就背脊,睇得我心內好吳舒服。

一路想幫佢,但冇得幫,唯有安慰佢。

佢好可憐,因為佢吳可以吳捱落去,因為家貧,細佬妹多,啲親友間都睇小佢一家,而佢生成個道友樣就令啲人更睇佢吳起。佢反而掉返轉同我講 : ' 83,我慣咗了,冇事架,阿sir會知我吳係 'pairh ' 嘅。

卒之,機會嚟。一日,沙展在課室叫我地寫一篇入學堂以來的感受。我想也不想拿起枝筆替阿慘師兄求情,話佢樣衰吳關佢事,喺佢阿媽生佢,佢冇得簡。我同佢傾過,又留意咗佢好多日,佢吳喺道友呀,重大隻過我呀。沙展,求你俾次機會阿96啦,求求你,真喺寫到幾乎聲淚俱下。

翌日在操場,沙展一反常態，冇x到阿96 (慘師兄。但佢對成班人話 : ' 96,有個儍仔同你求情,叫我俾機會你 ! 嗰個正儍仔,(佢望住我) 你有事時邊x個俾機會你 !

唉,講セ都好,祗要你吳好再x96就好嘞。

無多久,沙展都發覺96吳喺pairh嘅;再加上他也看了慘師兄的感受自白文章,對他多了解咗, 哈,慘師兄變了做正常師兄,我好開心。

臨別依依

真奇怪,臨近 Passing Out ( 結業禮 ) 的日子時,大家反而有Ｄ吳捨得,差不多六個月的相處,教官們用心嘅教導,杜沙展嘅努力,大家也明白和諒解他們的方式。因為那時代好仔吳當差,吳惡啲嚴啲喺吳得。幸而今日警隊已脫胎換骨成為享譽的警隊,而警校亦成為 Police College 。現在當警察已是一深受社會人仕尊重的專業工作。

苦悶日子 -

在警校受訓時我全情投入,但在空閒時好苦悶,便去買包煙食。都吳知啲煙有乜鬼好食,買咗包總督 ( Viceroy ) 吸了一,二枝,唉,吳甜又吳咸,便換轉買包法國煙試吓,跟住又買包雪茄仔試。結果益咗隔離床阿肥師兄。肥師兄話 ; 83,你吳好俾佢停呀 ! 吹脹。

唉,重喺想她。

有一個週末,在家呆着,電話響。

我拎起電話, ' 喂 ? '

隔了一,二秒對方才出聲 :

' 喺度重緊セ呀 ? '嘩,聽到佢把聲 !

我嘅 ' 繆騫人' 呀 !!

下回再續
。 

我的故事 - 續 (4)

網誌分類：未分類網誌日期：2010-07-31 09:03

七月尾了，花旗 ( 美國 ) 這邊早晚凉，中午依然熱。

後園種的番茄很多，青瓜也多，每二天收的四季豆夠吃一養。白豆角,育豆角也來了。那南瓜長很快。今天收集了油麥菜同芫茜種子。前園的冬瓜剛出現，希望來得及。下星期下種種白菜及雪裡紅。

我喜歡有個花園種嘢。

又講古仔了。

 此篇是本虛構故事第二章 ' 警校生涯 ' 嘅結局篇。下星期是 ' 皇家香港警察 ' 篇的第三章 ' 西區警署 '。

有一點需要提一吓大家,我講嘅古仔除咗喺虛構外,還是三十六年前開始的故事。所以不能套在現今廉潔公平而透明度高嘅今日香港社會。

此外,古仔虛構得嚟亦靠回憶,為咗趣味性高啲,有時劇情可能故事化同幻想化咗啲, 例如我冇可能記得對話嘅每一個字。