我的故事

（ 以下故事純屬虛構，如有雷同,純屬巧合 ）

 我的故事 - 公務員生涯三十六年

第一篇  -  皇家香港警察

第一章 - 頑皮兔下凡

一九五一年八月某天，天庭花園內，嫦娥正在喂她的兔子吃白菜（ 不是大頭菜，嘻）、但那白兔卻無心進食、眼甘甘的望着嫦娥，嫦娥說‧未見過靚女咩！兔仔答﹕未見過咁鬼臭脾氣靚女,凡間是但執件都靚過妳啦 !

唉,小白兔犯了天庭婦女保護絛例第十三張第一注＇i.e. 話女人吳靚。

嫦娥姐即時扯曬火話﹕如此多口不如將你送去歐家啦、夠曬多口啦個歐姓ｏ凡間多靚女！而家下面正是盂蘭鬼節，你落去睇鬼到夠啦！哼。一腳就將呢隻口花花嘅頑皮兔子一嘢踢落凡間。

在排隊過投胎關時，嗰位阿sir話，兔仔做也衰 多口得罪阿娥姐呀 ?

兔仔多口即多口，在廣大群仙面前話,你啲算喺乜嘢工作態度，阿sir即時口黑面黑趕我走。 兔子決心到人間做個公務員辦俾佢。

我就是如此在盂蘭節那天來到人間。

銀幕上出現了落花流水的畫面,我嘅童年就是如此懵吓懵吓渡過了。

時維一九七Ｏ年中, 小青（因為當時年青，所以叫小青，遲啲叫中青,老青。）因會考失敗而當時社會經濟並不太好，很難找工作，便投考當時人稱好仔吳當差的警察。會考都肥佬就梗喺做老散（警員）啦！講真我真喺有理想有抱負架！

當時我是好單純，而香港未有ICAC。

未習慣寫咁多，要唞吓。 下次再講，喺咁。

  9/10/2006

 ( 這篇故事是我從Yahoo Blog 搬過來 , 希望儘快把舊文搬曬過來 ,過程中可能有些地方做得不好 ,大家多包涵 )