我的故事 (七)

第二章 - 警校生涯 ( 愛情失業, 警校畢業 )

愛情失業

' 喂 , 做セ吳出聲呀 ! '  ' 繆騫人 ' 在電話的另一邊問。

' 哦, 冇野, 甩咗隻拖鞋啫。' ( 真吳好意頭,準備破鏡重圓之際竟然 ' 甩拖 ' !  哈哈,。 )

之之咗咗咁同佢傾咗一輪; 佢話 : ' 阿爸同佢地去曬澳門。'

' 咁我過嚟陪妳啦。'  重吳醒目咩; 嘻。

'是但你。' ( 扮曬嘢啦 )

我以破世界記錄概速度落街,跳上的士,同司機講 : ' 吳該快啲,肚痛。 '

到咗門口,深呼吸三下便按門鐘。

一開門,大家四目相投, 她面泛微紅,秀髮依然披肩,錄音機正播放那柔情誘人的 Love At The First Sight。

' 美 '

' 十二月哥 '

' 入嚟啦 ', ' 食咗飯末 ? '

' 食咗,你呢 ?'

' 食咗碗公仔麵.' 薇邊說邊把門關上。

我輕輕捉住佢對手,有在夢中的感覺,但心跳有若開機關槍。 

在浪漫音樂中,忍吳住用對手摸佢塊面珠仔,然後掃開她臉上的頭髮,在臉上輕吻了一吓。佢亦軟綿綿地伏在我肩上。

我隨着樂韻撫弄她那柔柔的秀髮,手也隨隨的下降到她的纖腰。

她的急速呼吸節奏和我的此起彼落,她的手也從我的肩徐徐滑到我心口。

嘩, 激情浪漫得要殺死人呀 !

眼看劇情快將要發展到由一級純情片到二級文藝片到三級....

' 咦,セ嚟架 ? 吓 ! 你學人食煙呀 ! '

真喺該煨, 衰在此時此刻此境况 ! 唉, 天亡我也 !

' 重話吳會學壞 ! ' ( 超, 如果食煙喺學壞,妳娘親就壞咗幾十年啦 ! )

' 我貪玩咋,吳食都得架,嗱我即刻掉咗佢 ! '

' 吳聽你解釋,今日貪玩食煙,第日都可以貪玩玩女人啦 ! '  吹脹。

' 又話社會進步咗,你而家吳慌吳進步咗 ! 重有呀,樓下街口開多咗間'大檔' ( 非法睹檔 ) 差人日日行過,棺材鋪 ( 當時警察部既反貪污部 ) 拉就拉你Ｄ老散 ( 警員 ) 你想我地繼續就咪當差,我吳想做監犯嘅女朋友   !

我即時做咗件三十六年來想起都痛快嘅決定 - 收回包煙,同佢講 ; 再見 !

落到樓下,煙檔阿伯架收音機正播放 ' 男兒一生要經過多少挫敗......'

此後再也沒有見過她。

警校畢業

在結業禮前夕,大家都獲知分配到那一個環頭(警署)。很多想揾錢嘅都失望,我被分配到七號差館,即西區警。西區警署轄區亦包括八號差館 ( 又叫半山警署) 及香港仔警署。

同學都羨慕我去到個好油水嘅環頭 ( 警區 ); 佢哋都吳知我想做個廉潔警察。

畢業前夕各人都又開心又吳捨得。兼要收拾行裝,整晚真個忙到停不了。

第朝天未光大家都醒了,食完早餐便忙着換衫準備畢業步操檢閱。

人地差不多個個都有親友前來觀禮。我就光棍一個,阿媽話暈車,阿爸阿哥要返工,細佬約咗人;女友又破鏡重破咗。都有野可做嘅;就喺在典禮完咗做人哋佈景板,陪影相。可惜啲相喺香港,吳喺我就傳俾你哋睇。( 這都是對我嘅一次鍛練面對失落失意同失敗 )

邊鬼死個主禮都吳記得了,亦冇心機理鬼佢。心情悶了好幾日,都好在悶慣咗,同埋警校六個月來嘅訓練着實令我成長了,意志也堅強咗。

到了中午,各警署來嘅車便將各人送到各環頭。

我Ｄ心情同當初入學堂時已大大不同了,成孰咗;個心內想 : 吳知環頭道啲環境點樣,但有一點肯定就喺要做個廉潔正直嘅警察。到一陣間我就會由豬仔身份變為一名警察。

' 到啦,大家落車攞齊嘢跟我嚟。' 一位沙展在接收我哋 ( 我及各班師兄/姐 ) 帶大家去巴叻房 ( barrack )分配衣櫃 ( 衣櫃旁有碌架牀 )及介紹警署環境同見署長。

咦,セ冇粗口同呼呼喝喝嘅 ?

下回再講本師兄虛構嘅出更故事。