我的故事 ( 十五 )

監獄署 ( 三 )

2012年4月2日上午5:46公開累積瀏覽 60323

 

本篇故事 , 全屬虛構 , 如有雷同 , 純屬巧合 .


因為很快將會比較忙 , 而五月初回到香港後也會有一段時間會忙碌 , 所以趁目前有些空閒便寫完  ' 我的故事 ' 的中段 ' 監獄署 ' , 其實應該較貼切改標題為 ' 赤柱監獄 ' .

不打算用流水曰程式去寫 , 反而是寫出一些當時所經歷 , 見到 , 或聽到而值得一提的各種事情 .

信件檢查 

我衹負責審閱中文信 , 英文 , 巴基斯坦及印度文的信是交由其他的指定人員審查 . 但需交回我跟進其它手續 .

職員出糧
每逢發薪日就有免費午餐 . 

因為 , 當曰一回到赤柱監獄打咭上班後就馬上和配槍嘅職員乘車去匯豐銀行赤柱分行領取發薪的現金 . ( 那時代未經銀行戶口發薪 ) . 

一行三人由高級文員帶領去取錢 . 配槍獄警在大堂等 , 我們就入內部數錢 . 一般都祇數大數 . 攞完錢即快快回程 .

一回到監獄即時增多四人 ( 高級文員退下 ) , 共六人分二組跟據大糧單數錢放入信封 . 每組第一人數完將錢放信封面交第二人查數 , o.k. 就依然放信封面交第三人 , 啱數就放入信封 . 冇得偷懶 , 因為番查是好麻煩 , 同時 , 間中會故意放錯數睇你是否求其做嘢 .

每次都求神拜佛埋到數 , 否則去到尾若多或少幾佰就要全部逐封查核 . 那就大大麻煩 ,下午要推遲出糧 .

若一切順利就吃買回來的飯盒 , 到二時正就去寫字樓外面大廣埸對面對証發薪 .

探監

那時探監安排好簡單 , 就在我辦公室通道旁的有蓋走廊下放十張八張長枱 , 每邊放椅 , 囚犯先由獄警帶到坐在牆的一邊 , 然後探監的人就經由入口大堂閘門進入大廣場然後走到枱前坐下探監 .

很多時家人會帶來小孩來探 , 大 人一坐低就見小孩由枱一邊走去囚犯那邊 , 囚犯第一時間抱佢就往孩子袋內摷 . 摷乜嘢就你地估啦 . 理論上囚犯回倉前是要搜身的 , 但那時代 , 唉 .

後來探監改了去室內 , 隔住兩層相距數吋嘅厚透明膠窗 , 窗上有氣孔通聲 .

但對一些人全無難道 , 把想傳送的東西放入汽水筒 , 方便快捷 .
到再後來改了用電話才解決此問題 .

反黑組警司

在我寫字數通道旁是一間會客室 , 有一次一位反黑組警司到來向囚犯套取口供 , 佢個名我重記得 . 三數個月後 , 佢再在該會客室出現 , 但今次坐在囚犯的位 , 見他的是ICAC調查員 .

逃獄
在 一個星期六上午約十一時 , 突然警報大響 , 大家在驚訝發生甚麽事之際 , 我寫字樓後旁通往獄內的閘打開 , 衹見很多獄警衝向大堂大閘再跑出獄外 , 這些閘門平常因保安理由絕不同時打開的 .
原來有囚犯越獄 !

一段時間後 , 監獄大門的小閘打開 , 一件物品被帶進大堂 , 然後數名獄警抬著一名被捉回的囚犯來到我寫字樓旁的通道上 ' 放下 '  , 這時 , 負責保安的幫辨 ( PO(S)) 氣沖沖的來到 , 猛罵 xxxxxxxx

我站在通道旁的櫃台旁望見個犯 , 佢一/二隻腳斷咗 , 不停地打雙手揖對的獄警包括個 PO(S) 講 : 對吳住阿sir , 對吳住阿sir ................

還聽到 xxxxxxxxxxxxxxxxxxxxxxxxxxxxxx

高級監獄長也從樓上落到嚟 , 一手攔住個幫辦話 xx .

個幫辦重氣沖沖話 xxxxxxxxxxx

這時監獄醫護人員推架擔架車出來 . 但個犯上吳到車上去 , 可能二隻腳都斷咗 . 卒之獄警幫佢上咗 , 然後推佢入監獄內醫院 .

第曰此犯因肺炎死亡 . 報章報導家屬投訴認屍時死者胸口有一腳印 .

說回逃獄時監獄當時外邊情形 ; 因為我不在現埸 , 所以都是聽回來 -

三名囚犯都是長期囚禁的犯人 , 早已留意監獄內工作情況 , 在逃獄當曰 , 一名獄警帶著囚犯油圍牆 , 需要用高梯油高處 , 數名逃犯拿著鐵鏟威脅那獄警 . 三扒二撥 , 第一個上到梯頂 , 第二個也扒到牆頂放布 ( 床單 ? ) 俾第一個落地 , 跟着第三個上梯頂上牆頂放床單放第二個落地 , 到最後呢位 , 你估佢吳知佢最尾冇人放床單俾佢咩 , 但佢地有一樣佢地吳知 ( 因監獄保安吳講得 ) . 所以最後那犯跌斷腳 .

重有一樣 , 所有事情都在電光閃爍間發生 , 根本冇得到考慮 .

那些冇斷腳的也跑不遠 , (冇一個留低陪走吳倒嗰個 ) , 走到海邊大石崖同獄警講數 .

起先要見記者 , 獄方不答應 , 便威脅要跳海自殺 . 那又是獄方的麻煩 .
最後講到大家同意佢地返來 , 獄方保證不打他們 , 他們便投降被帶回獄 .
其中一個犯叫何x明 , 是殺以前包租婆丈夫的兇手 ( 見另文 ) . 我將這段故事講了她知悉 .

在此說再見前 ,
讓我點首歌給她 - 當時的一位同事來結束這監獄篇 .

鄧麗君的歌  -  '  我沒有騙妳  '

我的故事寫到此也告一段落 . 謝謝大家捧場 .

檢舉這篇POST