我的故事 (八)

27/11/2006

 我的故事 - 續 (5)

網誌分類：未分類網誌日期：2010-08-31 09:50

時間飛逝，退休已有四年多。這四年來生活倒也寫意。

這一陣子後園啲瓜果也陸續收成了。收割咗一個南瓜,你哋估吓有幾重？28磅呀！重過我個孫仔。:)

近日太多悲情新聞，但願去者安息。

我們真係要珍惜眼前所擁有的。( 除了公義上的憤怒 ) , 人生才那數拾年。浪費一分鐘於憤怒,不如開心多一分鍾。

我年靑時,喜歡在家前走廊同班小朋友講故事；估吳到幾拾年後在網上同啲素不相識嘅朋友講故事。人生，

就是充滿 ' unexpected ' 。

Story Time -

27/11/2006

這邊天氣很乾燥,室內因為暖氣長開,所以屋內更是乾燥,經常都在二十度 (濕度) 左右。

我在此一天搽既 lotion 多過在香港一個月,一星期所用的更是超過一年有多 !

太太買了一樽要醫生紙嘅 lotion, US$ 7元多,原價48元 !醫療保險cover咗大部份。

室內外温差很大,現在室內是25C;而室外則是 - 2℃。

又要講全屬虛構的故事。

第三章 - 西區警署 (  皇家香港警察保護誰 ? )

一些背景資料  -

- 警員日常接觸多是前線工作境况,此章故事會可能有很多粗口及粗魯嘢, 不過,有時你地可能會睇到想講粗口鬧都未定。

- 因為黑社會術語可能會是涉及犯法而你地有啲用政府 email address ,所以我會避免。

- 文章內雖然用 abcd (問侯娘親嘅粗口) 代替粗口原文, 但有時為咗傳神啲都會用斜音粗口, x 是單字粗口,有時亦代表一種動作,或一啲嘢,你地應可意會到;

- 83,即我,叫83,不叫8拾3;其他人一樣;

- 七Ｏ年代初期未有 ICAC; 貪污是好普遍現象。

- 識英文員佐級膊頭號碼下是紅布,吳識英文就黑布底; 除咗 '咩喳' , (Sergeant Major ) 亦即現今嘅警署警長 ( Station Sergeant ) 因為佢地冇冧巴。

- 當時 ' 咩喳' 勢力好大,印象中吳喺每差館都有,但後來 ( 72 年 ? ) 因要打消此現象將 ' 咩喳' 們下放各警區並增加數目,又令多人 (三柴) 升官,一舉二得,同時將二柴 ( 警目 ) 同三柴合併。

- 差館內有啲 '後生' ,佢地喺街外人,專服侍警務人員喲制服洗熨,皮具擦亮等エ作ｏ梗喺自已俾錢啦 !

- 警員制服每日換。

-差館內有食堂 ( Canteen ),可 '些' 數, 出糧結。那時重係在差館出現金。

-每日出更前15分鐘穿好制服集合;攞好鎗放好後,等沙展或幫辦briefing,所以警察返工時間是無形中長咗啲。

- 基本裝備除制服外, 有銀雞 ( whistle ),救傷包 ( 內有二小包止血包,dressings , 記住呢點) , 警棍,鎗,各種記事部。

- 那時代警員出更除了 ' 夜尾 ' ( midnight shift, 0000 hrs 至0800 hrs ) 外  ,都祇有食飯時間,沒有休息時問間。

- 那時出更沒有無線對講機。

- 除了' 夜尾 ', 一般是單人beat ( 巡邏範圍) ,除咗有襲警事件就會安排孖咇。

- 早更 0800-1600 hrs;中更 1600-0000 hrs, 夜尾 (  通宵班 ) 0000 hrs - 0800 hrs.

- '金山咇' ( Beat  ) 嘅相反喺 '沙漠 Beat '( 沙漠最缺乏甚麽 ? )

- '收片' 即收黑錢 ( 貪污 ), '派片' 即給黑錢,賄款; ' 數' 即片數,有 ' 大數 ' 即大家都有份嘅, 因有啲人在署內工作,例如鎗房;行beat 嘅而段內有架步檔口嘅就有人會俾'期數'佢; 每星期計。佢袋吳曬架,因為佢要 '過 ? ' 俾編更警員先編佢行呢條'金山咇'; 這又叫 '炒條咇行吓'。冇着數佢就編你行 '沙漠咇' 。我當時有一段時間做咗 ' 沙漠梟雄' ,哈。而家已改由文職担任編更。

- ' 灰' ; 有二種意思 : 第一種指鬼佬,  第二種是指毒品 - ' 粉', 即  '白粉' , 即 ' 海洛英 ' ( heroin ); '跳灰' 即 '走粉' ; 即運/販毒。白粉分等級,多數喺四号海洛英。

- 鴉片又叫大煙,供人在場吸食的地方叫煙格。食白粉的道友廋啲,面色灰啲,樣也衰啲。食鴉片啲友仔好樣的,環境好嘅上足煙引後食生果,飲杯靚荼,話好享受喎 ? 當時有種講法話鴉片止胃痛,啲道友常用作法庭上求情說話。

- '青雲' 即道友即吸毒者。'Paer '  (吳好讀 r 音,好難拼原音 ) 即吸毒;又叫 ' 上電 ' ; ' 老同 ' 喺啲道友稱呼同道中人嘅叫法。

- ' 追龍 ', ' 高射炮 ' 吹口琴 ' , ' 啪針 ' , 都喺啲吸毒方法。

- 在殖民時代英國人階級觀念好重,高官一般吳會去下級地方 ( 而家啲部門似乎都冇セ變, 所以署方上下溝通就.....而耐不耐就出問題。 ) 例如宿舍;除非有特別事,例如去巴叻房查房或冚賭,有些人喜歡收工玩二手,有時啤牌,間中'牌九。