( 謹此聲明 - 所有和此故事有關的文章皆屬虛構 , 如有雷同 ,實屬巧合 )
從機動部隊解散後 , 被調派到港島交通部 . 在中央警署駐守 .
第一曰報到 , 往見主管 . 很巧合 , 這總督察是以前西區警署署長 . 我記得他說其中一句話 : 要泥水佬做門 , 過得自己過得人 .
我們創造了二個先例 : (一) 沒有電單車坐嘅交通差 ; (二) 膊頭號碼咁大嘅交通警 , 個個都五個號碼 , 我就是 1xxxx .
那時是73/74年 , 貪污重很厲害 . 那時有些營業車 , 祇耍在車頭貼上特別標貼便可免抄牌 . 當年也有此案的報導 .
有一天 , 我如常被派到雪廠街和大道中交界指揮交通 . 見到一名南亞裔男子 ( 當年冇呢種叫法 , 但為避免沾上種族歧視 , 所以吳用當年叫法 ) , 伸手入個路邊郵筒抽出啲信袋入袋行去 .
我馬上跟隨佢 .去到太子行同皇后像癀場交界我把他截停 . 佢好驚 , 雙手合什向我行埋 . 我用癀東話叫佢企度咪郁 , 但佢聽吳懂 , 繼續向我進迫 . 我用英文同佢講 , ' Don't move ! ' 但冇效 !
佢同我差不多高 , 但好大隻 , 我企佢後面你會見吳到我 . 情況有啲尷尬及危急 .
講你都吳信 , 這時周圍企滿看熱鬧嘅人 , 有一個人出現 , 同我講 . 打咗三條九 ( 緊急報警電話號碼 ) 啦 ! 你 ? 我都估吳到喺佢 , 哈 , 喺我爸爸 !
我正要揪出警棍時 , 一名巴基斯坦藉警員出現 . 噢 , 一天光曬 .
佢又大隻 , 一手按住嗰條友仔一邉講佢啲話 . 條友仔跪在地上雙手不停合什求情 .
其他警察也到來把這傢伙拉回去 .
我後來因這事也收到了暑方嘉許 .
之前提過那時的香港貪污重很多 . 以下是我經歷過的一些事情 :
替假數 -
有一天替假 , 下班時有個師兄走埋嚟想俾的錢我 . 我問佢做乜俾錢我 ? 佢話喺我今曰替假嘅數 ( 貪污錢 ) . 我吳肯要 , 佢一路喺要我收 , 話佢好難做咖 . 冇法之下我叫佢同我去茶餐廳食嘢找數 , 錢吳使俾我 , 算解決了. 佢叫 Johnny仔 , 同我都喺二十多歲 .
抄牌後被鬧 -
有間車房修車成曰長霸路邊車位 . 我同另一名交警見佢超過法定時間就俾定額罰款告票那些 ' 死車 ' ,
嘿 , 誰知收工時被告之交鎗後往見幫辦 . 二個被 ' 媽差 ' 到飛起 . ' 你地點知啲車冇郁到一寸 ? '
吹脹 !
後來有個師兄話我地知嗰度喺有數嘅 .
大檔老細 (老闆 ) 車 -
有一曰在銅鑼灣行咇 ( 徒步巡邏 ) , 一位師兄走來同我講 : ' 83 前面個天文台 ( 睇水人 ) 好x吋 ( 囂張 ) , 咪錶扯曬紅旗 ( 超越付款時間 ) 都吳入重話喺老細 ( 大檔 - 非法賭檔 ) 嘅車 . 喺都吳入停車咪錶 . 這時 , 另一師兄也在 , 他是Johnny 仔 .
大家都好 ' 慶 ' ( 憤怒 ) , 後生 (年青) 吖嗎 , 個個火氣猛 . 之前師兄已經發咗張定額罰款 . Johnny 仔話 - ' 過去昅吓條x街 ( 粗言 ) , 有冇入咪錶 . '
一睇之下 , 冇入到 . 嗰條天文台重好得戚咁嘅衰樣 , 睇到Johnny仔火爆 . 望吓錶 , 哈 , 夠鐘 , 超過一小時 , 便即時好快給張定額罰款架車 . 我同佢計時 , 用咗一分多少少 .
個天文台咢咗然 . 我地冇理條x街 , 去繼續巡邏 .
一小時後 , 我地三個再返去架車度 , 條x街重冇入咪錶 , 眼光光望住我地 .
我同Johnny仔講 : Johnny 仔 , 同我計時 , 便以高速發了張定額罰款放在車頭玻璃 .
Johnny 仔話 , ' 嘩 , 83 , 56秒 ! 你蠃曬了 . '
另一位師兄話 ,下一個鐘要挑戰我 .
到下一個小時 , 我們這抄牌三人組再去現場比試 . 但佢地冇法贏到我 , 因為 ,
個咪錶入咗了 .
沒有留言:
張貼留言