我的故事 ( 九 )

首次辭職念頭

在沙展一輪介紹環境及見過署長後,大家有段時間回宿舍安頓物品裝備及認識幫手嘅'後生。

我嗰個'後生'叫阿梁,佢會確保我每日有洗熨好制服,擦好嘅皮具。每個月出糧時佢會坐埋收錢一邊檯收錢。

到咗集合時間,沙展帶眾人出車介紹各新人認識環頭嘅環境。

到咗西環尾屈地街落車,沙展帶眾人行向海傍,不久, 見到一班人在街邊用啲大木箱包裝塑膠花, ( 這是阻街,應該發傳票控告 ) 此時聽到有人說 :  ' 那間膠花廠逢過節都有請飲茶 ' (大家都明白セ意思啦)。'

 行行吓到一條大街,又有人說 ' 埋便有檔嘢,大家當更冇セ嘢吳好行埋去。'

我望過去祗見一鋪位,用木板封曬鋪面,祗留一門口出入,外面有個道友模樣的傢伙在兩頭望。我懵吓懵吓問旁邊師兄 - ' セ嚟架 ? ' 師兄話 ' 大檔囉 ( 賭檔) '。

跟住經過一條橫街有問間餅店門口泊咗幾部送餅貨車。

' 我哋夜尾( 通宵更) 喺度攞餅消夜。' 即係( ? )。

行咗都冇幾多路又上返車返返西營盤 ( 差舘附近 ), 經過一個街口,又聽到有人講 ' 埋邊有檔嘢,冇セ嘢咪埋去。'

嘩,我心想 : 有冇攪錯, 同差館隔兩條街咋。

然後出到電車路 ( Des Voeux Road West ), 又一檔嘢吳好埋去, 唉, 不如留喺屋企當更啦 !

跟住行出海皮,那時西環海皮(海旁) 是海運上落貨地點,好多 ' 咕喱 ' (苦力), 其中好多喺道友。聽聞當時港島區兩大毒品檔,一在銅鑼灣蓮花宮,而另一就是前面的三角碼頭。沙展都吳帶我地行近, 又聽到嗰句, 邊句 ? 

超 , 連你地都識講啦 - ' 冇セ嘢吳好埋去。'  哈哈。

我心中當時祗有一疑問 ; 究竟皇家香港警察是保護誰 ? 黑社會定喺市民 !