十二月: 2013

2013年12月16日星期一

一些收藏品

中國銀行百年紀念鈔 ( 三連體 )

( 是兒子放我家的)

香港賽馬會紀念郵票

昆明花卉博覽金泊紀念郵票

第三版人民幣停止流通紀念

中國市花電話咭

近年很少收藏物品了. 家中還有些一些集郵品,

另外也收藏了些紀念車票.

而多年來的最有價值及美好的收藏品 --------

麻傭包 :)

2013年12月9日星期一

也真不易 , 雖不太難.
感恩.

人有歲數了,便經常回想過去的曰子.
真箇甜酸苦辣盡在回憶中.
幸好,今天倆老尚算健康,能好好服侍幾位老闆.

以前,
小孩時穿衣服是大人給你穿,沒得選擇.
青年時穿衣服是給女友看的,
中年時穿衣服是給同事看的,
到現在,總算不需要傷腦筋了.
舒服便好,管它甚麼款式.
老子喜歡便是.

我年輕時,社會上一般市民生活很困苦,
大家都掙扎求生存,為口奔馳是普遍現象.
到中年初期,變成了為改善生活質素而努力工作.
並沒有太多人會花時間去自殺.
即使自殺,多數是跳樓吊頸的免費方式.
沒有渡假屋或汽車內燒炭自殺咁豪華高檔.

說起自殺, 唉,
很多病者想盡辨法求生存,
但卻常常見好人好者去自殺.
遲吓寫編給想自殺者的話篇.

不知是否落後咗好多,
近幾年冇乜歌曲好聽,不論本地或外地方的.
我在中學到退休都久不久便有好歌出現,
但現在等得太久了.

以前,從不認真刷牙,
到現今花甲之年才醒覺.
幸好,還來得及.
沒有缺掉一隻.
感恩.

說起感恩,
若你不是基督徒或天主教徒,
請你也感謝上天或所信的宗教主賜你美好的今天.

珍惜眼前所擁有的,
如今天生活得不如意不開心,
順其自然去面對吧,
因為,每天日出前都是黑暗的晚上.
可能,上天要你經驗眼前困境,
將來你會懂得幫助他人.

若你今日生活富裕,
請別吝嗇幫助窮人,
因為,行善積福.
積福是蔭及子女的.

自己都覺得太長氣了,
冇法啦,
因為,
請看標題.

2013年11月29日星期五

蝦米XO醬

哈哈 , 好高興,紫薇Blog友的方法 upload到相喎. 即刻開工試.

唉,都喺吳得,得上面呢堆傢伙,喺咪我電腦中咗毒呀 ? 我都吳知Google 攪乜鬼門,即管寫落去當練習 .
( 哈哈，多謝blog友Kent Luk 教路，我將本文還原做䓍稿，再按HTML隔離個'撰寫'制就冇曬啲符號變成相片）

又喺出一堆符號. 希望在別處是出相片啦.

製成品明天送朋友.靚婆婆怕辣所以冇預佢.

2013年11月15日星期五

花膠

今午姻親來接了孫子去他們的家 , 我也襯機會整理一下

家中的花膠.

花膠

我家中的花膠都是一些普通的貨 , 因為都是自己家煲湯水

用,所以毋庸太貴了.

第一行左邊第一塊的花膠是1450一斤 ,我見也不太差便買

一斤 , 煲超過一小時便好像溶了, 但若半小時便 OK.是

浸水過一晚. 但這貨是壓扁的,看來大塊. 不會再買.

等二塊是人家送的,加拿大買.比上者好些.

第三塊約1500一斤 , 薄身 , 是原裝.昨天買.

第四塊1600一斤 , 比上述的厚身,煲起來也很好,不似第一塊

煲耐啲就走曬樣.但現在漲到1800一斤.所以昨天買了第三的.

第五塊是在美國買帶回港, US100一磅. 很厚身,很靚,好食.

假如你/妳在美國東岸住,我大力推荐你/妳們去買花膠食,帶

返香港更好, 因為價錢平好多好多.香港好多都是南美洲貨.

最大嗰五塊是昨天買,買開嗰間店因為加租100%,搬到較偏

地方,老闆做特價做旺鋪面, 590一斤,我吳敢買咁多,因為

too good to be true ( 好得難以致信 ),

但吳買又心癢癢 , 其實剛剛都買咗包花膠重喺個購物袋.

卒之買幾個還心願.

我吳喺好識攪Google Blog , 相片更一頭煙.想加張相片,又忘記剛才點整, 唉.

2013年10月25日星期五

我搬了家

2013年8月31日下午3:30公開累積瀏覽 42714

趁孫子今日返咗公公婆婆處 , 我就周圍去搵地方 .

卒之在 Google Blogger 落地 .

Blog 名一樣叫 ' 十二月 ' .

而家要試將舊文章一篇篇搬過去 .

唉 , 雖然攪到我地中海版圖又濶了多少 , 都開心自己電腦白痴都OK .

啤一啤先 .

希望見番大家呀 .

後記 :

真的要謝謝花妹子幫忙 , 以下是我在 Blogspot 的地址 :

skcau.blogspot.com

希望在Yahoo結束後在那裡和大家相見 .

開心之餘 , 唱二句小鳳姐嘅歌你地聽 :

" 看夕陽 , 滿盼望 , 人生滿希望 ....... "

再見各位 Blog 友

再見了各位blog 友

2013年8月30日下午1:26公開累積瀏覽 22412

Yahoo 發出了公告結束部落格。

非常高興能在過去的日子和大家交流，天下延席無不散。

就留下一份回憶吧。

但＂十二月＂，

真是改壞名。

各位好友，但願有緣將來能相聚於另一部落格。

特別的向各blog友說再見，十二月不會忘記你\妳們：

本來放了很多blog友嘅名在此來說再見，後來發現越加越多，又怕排名先後有問題，索性不留名了。

而今在Blogspot可以在亂世中相見便又高興返，忙碌著copy and paste.

無論點都好啦；

一齊唱首歌：發哥嘅友誼之光。

" 人生於世上有幾多知已.......... ( 好多人在回應合唱喎 ) "

大家保重，開心過每一天！

2013年10月22日星期二

好人,衰人.

好人，衰人。

2013年8月27日下午2:10公開累積瀏覽 2168

近日的一些日常遇見的事情令我想起這世界真有意思。

那邊廂嘈雜漫罵，不管正反二方都是如此。

這邊廂我在街上行，祗見路人腳步急速為生活而奔馳。

這些常見的社會吵鬧與我何干？

真是香港特色之一。

我便覺得香港可愛，港人自講，講完後同之前冇乜分別。

和自己理念相同便是好人，否則便是衰人。

換轉位置又是一樣。

其實最緊要是大家應該有風度啲表達意見，遵重別人的表逹己見的自由。

那麼，爭論也變成精彩的境況劇。

不用勞氣，大聲，粗魯，並不表示別人便會屈服。

溫柔，理性說話，人也舒爽啲。

做人處世，應該知道一些道理。

2013年10月17日星期四

那年 ,十二月在唐人街

那年 , 十二月在唐人街

2013年8月9日下午3:49公開累積瀏覽 49426

退休前 , 曾想過在外國點樣過曰子 .

當年 , 其中一構思是每星期到唐人街飲茶 , 然後購物回家 .

可惜 , 理想和現實相差太遠 .

在曼克頓的唐人街光顧了數間茶樓後 , 便沒有再去了.

茶樓開門時間沒有香港咁早 , 一大清早開車去搵到位泊 ( 星期曰免費 ) , 便要等茶樓開門 .

後來去皇后區飲過一間算稍好 , 但路途遠 .

令我冇再去飲茶是因為一些情況 :

首先是點心水準 , 例 : 吃了數次炸兩啲油炸鬼都喺 ' 淋 ' 嘅 , 有次忍吳住問佢 , 重話係咁咖啦.

其次是環境及服務欠舒服 , 感覺不到是在享受食趣 .

一坐低 , 茶都未來 , 點心車就前來問食乜食物 .

有一次 , 在唐人街某間茶樓 .

因為去過二三次又適逢過年 , 太太的家姐給了一個賣點心阿姐一封利是 .

我們在吃完第一輪點心後 , 準備再要 , 我拿起張點心記錄咭 ;

一看 , 咦 , 點解蓋得咁少印嘅 ? 雖然收咗啲空碟/籠 , 我地都知道少蓋了三個印 .

個位點心阿姐剛又推車到 , 跟她要了些甜點便順便同佢講剛才蓋少了三個印 ;

請她補蓋回三個印在咭上 .

佢細細聲話由得佢 .

但我堅持耍佢補回三個印並告訴她我們不喜歡這樣子 !

她口黑面黑照做 .

我以後再冇去唐人街飲茶 .

後來在家居附近約半小時車程開了間唐餐館 , 環境同食物質素可接受 .

回到香港前的曰子都是光顧此店 .

母親- (完結篇)

母親 ( 完結篇 )

2013年8月4日下午3:59公開累積瀏覽 41814

父親離世 , 三個兒子擔心母親近八十高齡獨居 , 母親不願意和任何一個兒子住 , 更不要住安老院 .

最後同意請個外傭來照顧她 .

第一個女傭來見工 , 母親望一眼便叫個 agent 帶走 .

第二個女傭她願接受時大家都鬆了口氣 .

外傭常有的問題我家的印傭也有 : 借錢或擔保人借錢 .

有一天 , 電話響 , 母親拿起來聽 .

' 喂 , 妳個工人擔保個姊妹借錢過期未還 , 妳快啲同佢還 ! 如果吳喺放火燒妳間屋 ! '

呢位男子漢都未來得切講幾多錢 ,母親就噴佢 :

' 你拋我呀 ? 我嚇大咖 ! '

隨手就冚埋電話 .

以後都再冇電話打嚟 .

雖然移居外地 , 我每年都返港探母親 .

這一年 , 和太太一同回 .

一天 , 還有約十天便回美國 ,

忽然心血來潮和太太去吃早餐後看母親 .

印傭開門時面色慌張說 ' 阿婆暈咗 ! '

我看到母親半座卧於梳化上 , 叫她沒反應 ,

印傭話佢忽然半邊身沒反應 , 人也半昏迷 .

佢打電話俾我弟弟但打極都沒法接得通 .

我馬上叫救護車 .

接著打電話給弟弟 .

電話接通了 ,

' 喂 , '

' 喂 , 二哥 ,乜嘢事 ? '

' 你依家喺邊度 ? '

' 哈哈 , 我地同埋阿女喺芭里島對出海面釣魚 , 啲魚好大條 ! '

' 咁你地幾時返香港 ? '

' 哦 , 明日返咖啦 . 嘩 , 又釣到 ! 做乜冴 , 冇嘢吖嗎 ? '

' 咁 , 冇嘢啦 , 你明日返來再俾電話我啦 ! '

' O.K. 冇問題 , 拜拜 ! '

我腦筋不斷在轉 , 話俾佢聽阿媽依家中風昏迷等緊救護車都冇用 ,在印尼芭里島肯定即曰佢冇辦法返 . 反正明曰回港 , 就讓佢同英國返嘅女兒繼續渡假 .

到了翌日 , 等到黃昏都未有電話來 .

忍吳住打電話俾佢 .

' 返到香港未 ? '

' 返到了 , 在機場同個女食飯 , 佢搭十點班機去泰國 . '

' 咁呀 , 佢大個女啦 , 吳使陪佢 , 快啲去睇阿媽 , 佢中咗風........'

我相信佢同太太超速駕駛去探望母親 .

最後 ,母親都選擇了去見爸爸 .

在起程往天國那天 , 我和弟弟去看母親 , 弟弟見母親頭髮凌亂 , 便對她說 :

' 阿媽 , 吳好瞓埋一便 , 啲頭髮咁亂吳好 , 第日見爸爸時個樣吳靚 . '

母親馬上把頭轉向另一邊 , 弟弟和她梳理好頭髮 .

那一晚毌親便去了會父親 .

2013年10月12日星期六

母親 (四)

母親 ( 四 )

2013年8月2日下午3:53公開累積瀏覽 32815

孫子下星期回來 , 所以希望快些寫完此專題 .

因為爸爸是香港警察 , 在五 , 六十年代是被國內視為 ' 港英走狗 ' , ' 漢奸 ' .

所以很少和國內親戚有聯絡 .

但忽然有一段時間卻多了很多鄉間親友的來信 , 都是要求寄錢寄食物 .

今天的我們 , 可能忘記或不知道飢餓的苦況 .

在一九六一年 ,一大規模的偷度潮發生了 .

那時的港府政策是 , 任何偷渡客 , 衹要能進入市區便可留在香港 . 是爲 " 抵疉政策 " .

很多親友嘗試偷渡到香港在邊境被捕 .

他/她們都說出爸爸的名 , 警署通知爸爸後 , 全都被爸爸担保而可以留港 .

有很多初期都住在我家 . 最高時期有十四人 , 那是我親自數過所以印象深刻 .

大家都是睡在地上 .

本來用來煲水沖涼的煲要用來煲飯 .

這些親友除了吃飯外 , 最喜歡用煲煮麵 , 什麼都不放 , 就放片糖 .

不煮麵時便吃砂糖或砂糖沖水 .

看得我覺得他/她們是怪怪的 .

這些人 , 後來都消失了 , 即使爸媽的出殯也沒來鞠個躬 !!!

祖毌也是這時帶同女婿和三外孫一同偷渡到港 .

我還記得是爸爸半夜叫醒我們三兄弟起床叫聲阿婆 ( 吳知點解吳喺叫阿嘛 ) .

有一次 , 母親的一位叔叔偷渡來港 , 蛇頭通知母親去接人 ( 爸爸一星期才回家一天 ) .

接了叔叔 , 母親和其他接偷渡客的人一同找到一小巴準備出市區 .

那小巴 ( 那時衹有九座位 ) 起先不願意 , 因為這段時期很多警察檢查站捉偷渡客 .

但經不起錢的誘惑便肯了 .

誰知車行不久便碰上警察檢查站 , 那司機嘆句倒霉準備破財 .

成車人驚到死啦死啦之聲不絕 .

叔叔更驚到縮埋一舊猛叫我母親 .

那個警察未上車都睇到的爛身爛世嘅偷渡客 ( 但冇留意到我母親 ) , 一上車便先來個官威大鬧司機 , 跟住轉過頭來準備繼續威之際 ,

和母親四目互望 , 以下是佢地嘅對話 , ( 雖然要如實登錄 , 但有些地方還是要打交差 ) .

' 阿嫂 ! '

' X那媽 , 12XX , 你吳使咁 XX鬼 ! '

就是大家講呢兩句 , 個一秒前還官威十足的警察便快快落車揮手叫司機開車走人 .

成車人當睇怪獸咁睇住我母親 .

車錢 ?

個小巴司機俾極都吳肯收 , 重話希望下次再搭佢車 !

母親 (三)

母親 ( 三 )

2013年8月1日下午9:36公開累積瀏覽 28012

其實 , 每一個人生都是一個故事 .

在三歲那年 , 一家人搬了去位於廣東道的宿舍 .

一住便是十六年 .

有一次和母親坐在門前摘豆角 , 她忽然問我 : " 如果第曰你做法官 , 阿媽偷嘢被人拉咗 , 你罰吳罰阿媽 ? "

我 ( 衹是個小學生 ) 答 : " 罰呀 , 偷嘢喺吳啱吖嗎 ? "

' 正衰仔 , 阿媽都罰 ! "

足足俾母親鬧足四五十年 :)

小學六年級時 , 沒有問過父母便答應同學去橋咀旅行 , 三個小子打算沿岸邊行一圈 .

那前一天剛好爸爸放假在家 , 聽到我問母親攞錢旅行 .

知道衹有三個黃毛便不准去 .

我當堂扁曬咀啦 ,

母親問我 : " 應承咗人未 ? "

我答話應承咗 , 人地生命麵包都買咗 .

母親便說服父親讓我去 , 因不可失信於人 , 但以後要問咗先可答應人家去街 .

嘩 , 開心之餘卻不知道 , 橋咀島在地圖是看來很細小 , 但行一個圈卻不易 ,

幾個小子差些返吳到屋企 .

2013年10月9日星期三

母親 (二)

2013年7月31日下午9:27公開累積瀏覽 2739

母親沒有提過曾外公什麼時候離世.

在曰軍侵華時 , 一度攻佔了淡水鎮 (惠陽) , 父親和一家人為躲避曰軍 , 由母親帶他們到圍屋避亂 , 就住在書室 .

淡水的祖屋被炸爛了 , 到數十年後我們三兄弟把它重建 .

但現在又委託地産代理準備出售 .

不多久 , 曰軍又攻至 ,母親帶同父親一家到山林避難 .

母親的一位叔叔是國軍營長 ,帶兵守在一個山頭 ,日軍屢次派人勸降 ,

最後戰至彈盡援絕的情況吞鎗自盡殉國 .

當遺體被抬到山下時 ,日軍長官皆向他致敬禮 .

因為經過這些走難的日子 , 父親對母親是心存感激 .

可惜他母親（袓母）卻不大喜歡我母親 .

可能因為母親是孤女而又沒有經名門正娶吧 . 不知道 .

戰後 ,百廢代舉 , 在鄉間更難謀生 , 父親隻身由淡水走三天的路到香港的深水埗大南街投靠友人 .

他身上衹有一元六角的港幣 .

那時中港是自由出入的 .

母親 , 不久也隻身到港會情郎 .

當時爸爸已當了警察 , 這時也在青山新墟租住了一間板間房 .

很快有了孩子 , 我哥哥 .

而我也在年多後出生了 ,

時維一九五一年 .

2013年10月8日星期二

母親 (一)

母親（一）

2013年7月30日上午10:42公開累積瀏覽 3759

＂本專題故事，全屬虛構，若有雷同，乃是巧合。＂

母親在什麼時候出生她自己也不知道。

生日日子也因農曆西曆搞亂了，身份証上的是胡亂報寫的。

她父母在她還是嬰孩時便因某原因離家遠走南洋。

那時的中國是日軍侵華前十數年，一般民生極艱苦，但母親外家還算好，可溫飽及有妹仔（工人）。

母親是她外公 ( 下稱曾外公) 一手帶大的。

曾外公治家甚嚴，例如：吃飯時，男人先吃，吃飯不準說話，用筷子要正確，吃時不會發出聲音，飯碗吃完不能有飯粒，挾餸不能挾碟的另一邊，見什麼挾什麼，不可翻尋，不可一隻筷子吃飯 , 若不守桌上用餐規矩則，曾外公的一雙筷子便閃電般擊落頭上 .

其實重有：食飯離枱三尺 ( 母親話實則是約一尺 )；同枱食飯手踭莫橫；吃前要叫長輩食飯；手一定要捧飯碗！

為什我能知咁多？因母親世襲了此家規，而我也沿用了部份。

母親童年和曾外公住在一鄉村 ( 距離淡水約20分鐘車程）的客家圍屋。

這圍屋很大，現在是國家甲級保護文物，是祖上在清朝做油商致富建造。

我到今天都不明白外公怎忍心丟下自己骨肉遠走它方，大家也從沒有再見面。

母親從沒有明顯的怪責雙親，但印象中她於此事是耿耿於懷的。

祗有十數年後一些書信。

外公外婆在馬來西亞再有了九個兒女，聽聞其中一位兒子得了拿督銜頭，到今天祗有一位姨和我在電郵中聨絡。

說回母親；曾外公很疼她，雖然古老思想，依然讓她上學。

上學地方是圍屋內的書室。

所以後來我經常聽到別人稱讚母親寫字很靚。

母親性格開朗，有豪俠作風，做事一就一，二就二。

年青時認識了家住淡水的父親。

2013年10月5日星期六

夜 . 悠閒 .

夜，悠閒。

2013年7月26日下午3:58公開累積瀏覽 2339

我喜愛深夜獨處。

獨個兒在做自己的事：

一罐冰鎮啤酒，加上隔溫套，

邊飲邊看電視。

很享受那悠閒。

又或者看看蔡瀾先生的書，

上網看看林書豪的藍球賽事；

都令我有種懶閒的舒暢。

反正都不能入睡，

無聊一下也是種享受。

太太也慣了我的脾性，

反正，

丈夫，丈夫，

一丈之內便是她夫，

安心睡她覺去。

自己，

偶爾想想些菜式，

總比關了燈，黑漆漆地數天花上沒有的羊兒好。

就是不想睡，也睡意無蹤。

呷一口冰凍啤酒，

望望窗外山林，

唉，

都是睡吧，

因為，

明午要上戰場攻打四方城

這一鋪牌

2013年7月26日上午7:05公開累積瀏覽 24211

剛出完街回家 , 冇乜嘢好做 , 不如講吓上星期的一鋪牌 .

大約是咁樣 :

碰九萬 , 打一隻牌出去 . 上家已經九章筒子 .

碰紅中 , 上家十二章筒子 , 拆四萬 ,

碰發財 , 打埋隻四萬

後來再摸多隻二筒及白板 , 一心想着上家十二章筒子 , 我小三元都食得五番 ( 三番起糊 ) .

這時上家打隻二筒出嚟 , 輪到我摸牌 , 摸隻白板便速跟章二筒 , 大三元食乜都十番 .

又到我摸牌 , 摸隻五筒 !!! ,

上家上咗一隻 , 地面一隻 ,

未斷五筒喎 , 好吳好代客泊車呢 ?

內心在鬥爭 , C 就 C 啦 !!!

風蕭蕭兮心都寒 , 一拍隻五筒出海 ,,,,,,,,,

哈 , 上家好似我依家咁笑一笑 .

冇事 !

再到我摸牌 , 一摸是隻一筒 !

頓時晚上十時多都一天光曬 !

自摸大三元 , 對對糊 ,花么 .

超過十番都喺收十番錢 .

加埋Jackpot 800幾 ,

幾乎一鋪回鄉 .

開牌時方知道上下家都各揸一隻一筒。

2013年10月3日星期四

巴士上的信徒 ( 少女的祈禱 - 巴士版 )

巴士上的信徒（少女的祈禱 - 巴士版）

2013年7月24日上午1:54公開累積瀏覽 22312

昨日同太太出醒（城）同blog 友吃飯。

在巴士旅途中方驚覺香港咁多宗教信仰者。

一上車便坐在車尾尾行。

巴士上了吐露港公路，百無聊賴，望下周圍乘客的衆生相。

咦，乜咁多人在低頭祈禱嘅。

前右方穿著白色校服的少年在雙手捧住塊＂神主牌" ( iPad ) 眼定定，

鬼上身？

佢旁邊個後生仔就好似我啊嫲以前拜神時敲木魚咁，用隻手指不停的在篤那＂是乜東＂（Smartphone ) 。

唉，而家啲後生真唔識護理靈魂之窗。

悶悶地想起菊主篇白玫瑰文章。

不如搵啲秀髮來欣賞過日神。

唔，近近地就眼前呢件啦。

不睇由是可，

呢位正在低頭祈禱美少女嘅頭髪可以拍片扮女丐幫主吳使化妝：

頭髮乾過乾鮑，髪尾開差如千隻螞蟻腳，

又蓬鬆，兼夾面似古銅，

都喺快轉移視線 .

望前 , 另一位也是在祈禱的另一位阿啫 ( 姐 )，

OMG , 又是一位拍片吳使化妝的，

今次拍武俠片：白髪魔女傳，入場觀眾每人送份＂吃@梳打＂去頭皮水。

把眼光再向前希望見到啲吳同景像，

果然有喎，

這位身形豐滿的，不知是男是女，一把垂下蓋面的髪染了啡紅色，

令我想起動植物公園隻婆羅乃猩猩。

唉，都喺祈禱埋一份算啦 .

這時 , 卻覺得右邊手臂有點壓迫感同埋熱棘僰，

嘩，身旁位先生有如高僧入定，但可惜身卻不定。

車一轉彎就壓嚟我身邊得重利害。

大哥呀，醒下啦，你又吳喺美女 ( 我更擺明吳喺 , 衹喺隻地中海兔 )，

我更吳喺同性戀愛好者 , 所以並不喜歡這頻密的推碰 !

冇計，唯有避避 , 逼過去身體另一邊位女仕。

逼多兩逼便索性輕握佢手。

嘩，十二月，咁狼胎想坐監十二個月？

車，文章一開始就話你知，

同太太一齊吖嗎。

後話 :

太太拋夫棄子去探舊同事， , 所以悶作此文 .

一九五一年

2013年7月22日上午9:49公開累積瀏覽 23314

這一年，

巴黎癲馬舞蹈團成立了，

美日防衛條約簽訂了，

聖公會港島教區成立了，

一個二次世界大戰後百癈代興的年代。

在東方的一個小小角落，

靜悄悄的屯門，

一個平淡的故事正在開寫第一章。

為了加添一些趣味性，

這一天選在農曆七月十四曰盂蘭節。

啊，熱鬧啊，

滿街都在燒衣，穿也穿不了那麼多，

食物更多兼且健康：豆腐，芽菜，米，龍眼，

噢，還有零用錢派！

小孩都在唱：燒衣吳撒錢，今晚俾鬼鍊！

人間多美好啊！

快快到人間來 !

唉，原來人生千萬謊言蜜語由第一天開始都是騙人欺自己，

隨著而來的歳月：

爸爸一星期才回來一次，媽媽在家穿膠花，

養三個兒子不易啊。

嘗試過沒飯開的飢餓，

難忘一次生日大餐，一家人二隻咸蛋餸白飯，

所以，我家訓之一是告誡二兒媳絕不能看低人祗因他窮！

那些年，哥哥的衣服穿不了便到我穿，

我穿不了便到弟弟穿。

中三時，那套冬天校服穿到中五。（校服要到指定商買，大小從未合適過，校方有人有著數 , 那時的社會貪污腐敗）

家境不大好，經常被追學費，練得我好好的厚面皮。

自中三開始便替隣居小孩補習，最高峰時一晚補六個。

你想得對了，自己成績又點會好吖！

會考肥佬，

女朋友又飛我，那時真是我成年人生中的低潮。

我沒有什親戚朋友，

一生事業還靠自己打拼 ;

能夠事業稍有成而安享退休生活，

那是因為一九五二年：

那一年 ,

太太出生了。

後話 :

真個萬般滋味在心頭 .
前塵往事 , 好在堪回首的多 .
心存感恩 .

二人世界

2013年7月20日上午6:07公開累積瀏覽 2858

孫子一家幾隻嘢飛去加拿大一個月，這幾天忙過了一陣子，今天和老伴享受一個二人世界的週末。

好＂蘿蔔剃黑＂？

我先去買餸今日二餐：豉椒蒸排骨，咸菜子羌醬（靚婆婆送的）煎炆紅𩶘，青菜。

飯後，煲南瓜糖水。

煲好，油廁所的櫃。

吖，都幾好手工噃。

太太就洗房間窗簾布，佢話每日做一幅，冇所謂呀，吳好叫我做就得了。

一陣間去市場買個薯仔，連同剩下嘅瓜菜煑咖哩什菜。

重要買蒜頭，蝦皮，瑤柱，火腿，做個＂櫻花蝦XO醬＂下星期送俾啲雀友。

話時話，蛇年牌風真麻麻。可能因為我是兔年吧，哈哈。

去完街巿就去教會，然後返家備晚飯。

靜靜地一罐啤酒在手看電視也是一好難得的享受。

太太？

佢一日到黑有時間就玩 :

Candy Crush Saga !

玩到我懷疑佢就快會有糖尿病：）